Przepisy kulinarne

Rolady - śląskie zrazy wołowe, czyli Chop w kuchni warzy po ślōnsku

Przepisy kulinarne

Autor:
Teofila
Siewko
Źródło:
Klaudiusz Kaufmann
Specjały kuchni śląskiej u chopa w kuchni

W Dzień Dobry TVN karnawał po śląsku i Chop w kuchni, czyli Klaudiusz Kaufmann. Sprawdź jego przepis na rolady ze granatym, czyli wybuchowe zrazy.

Przepis napisany jest w języku śląskim. Numery przy słowach odsyłają do umieszczonego poniżej słowniczka.

Jak ludzie na cołkim świecie sie myślōm ô ślōnskim ôbiedzie, to zarŏzki we gowie majōm rolada wołowo. Za starego piyrwyj to na zicher niy bōło1 takego mitaku2 na kŏżdŏ3 niydziela, ale już przy jakim świyńcie abo i inkszym4 fajerze5 mōgli sie takŏ rolada lajstnōńć6. Narychtowanie7 takego miysa8 niy je za kans9 trudne, ale na zicher10 trza mieć na to trocha czasu i żeby sam wiyncyj niy pisać, to sie bierymy za robota.

Rolady ze granatym - przepis krok po kroku

Co potrza?11

  • 5-6 kōnskōw12 miysa wołowego na rolady (tak żeby te szajby13 bōły aby na 1 cm rube14)
  • 5-6 szajbōw wyndzōnki15
  • 5-6 łyżeczek mostrichu16
  • 2-3 kiszōne ôgōrki
  • skōrka ze chleba (tak ze 2 sznitōw17)
  • 1 cebula
  • keliszek czerwōnego wina
  • 50-100 ml śmiytōnki18
  • 2-3 łeżki19 masła klarowanego (choć mogecie i bez tego)
  • trocha20 wody
  • połra ziorek ziela angelskego
  • 2-3 liście bobkowe
  • ze dwa suszōne grziby
  • sōl, pieprz
  • mōnka21 do zagynszczynia zōłzy (moge być pszynnŏ abo kartŏflanŏ)
  • 5-6 metrowych nici- jak mołcie22 lust23, to sie mogecie wziōńć24 nawet różowe

Sposób przygotowania

Rozczaskejcie25 sie te miyso- chyba, że mŏcie takego masŏrza26, co je rozczaskuje abo moł jakego stikera. Wciepcie27 na kŏżdo28 rolada łeżeczka mostrichu i rozsmarujcie. Posypcie troszka pieprzym i solōm. Podpiyczcie sie szajby boczku na tyglu29 i dejcie30 na rolada. Na kŏżdo rolada dejcie tyż trocha skōrki ze chleba, kōnsek ôgōrka i plaster cebuli. Tera trudne zadanie, bo trza je zwinōnć31 tak, żeby ze środka nōm32 nic niy wyleciało. Ôwińcie sie je fajnie niciōm i dejcie je na rozgrzōno patelnia- kaj33 sie pryndzyj34 smażōła ta wyndzōnka (jakby co, to mogecie tam wciepnōńć tyż trocha masła klarowanego). Terŏzki trza je podpiyc ze wszyjskich strōn i nojgorsze w tym bańdzie35 to pyrskanie36 tego tustego37, ale na to chyba niy ma rady, yno je kans38 marasu39. Podpiykejcie je nojlepi na patelni, bo Wōm sie niy bańdzie te miyso prziklejało do dna, a potyn mogecie sie je przełożyć do jaki brytfanki. Na patelnia nalyjcie trocha wody i niech ôna zebiere40 to, co sie prziklejōło do dna i dŏ to tyż naszyj zōłzie fajnŏ farba. We brytfance môcie już rolady, wlyjcie tam wino, woda ze patelni, wciepcie41 prziprawy, grziby i niech sie to tera pomału warzi42 – jak mołcie czas, to moge to tak sie pykać43 ze 2 godziny. Jak już miyso je miynke44, to je wyciōngcie45 i połōżcie na talyrzu. Do zołzy dodejcie śmiytōnka (dejcie pozōr, żeby sie niy zetła46 i bez to lepi jōm trocha zahartować- włŏć dō ni trocha zōłzy), rozfyrlanŏ47 ze zimnōm wodōm mōnka (1 łeżka na poła szolki48 wody) i niech to fajnie zawrze49.Tera doprołwcie50 sie to solōm i pieprzym. Ze roladōw ściōngcie51 nici, na chwila wciepcie do zołzy i fertich52. Nojlepi to baje53 smakować ze klōzkōma, ale keby Wōm sie niy chciało ś nimi54 smolić55, to dobre bydōm tyż i nudle56. Smacznego.

Słowniczek:

  1. 1było
  2. 2obiadu
  3. 3każdą
  4. 4innym
  5. 5imprezie
  6. 6pozwolić sobie na nią
  7. 7przygotowanie
  8. 8mięsa
  9. 9bardzo
  10. 10na pewno
  11. 11potrzeba
  12. 12kawałków
  13. 13plastry
  14. 14grube
  15. 15wędzonego boczku
  16. 16musztardy
  17. 17kromek
  18. 18śmietany
  19. 19łyżki
  20. 20trochę
  21. 21mąka
  22. 22macie
  23. 23ochota
  24. 24wziąć
  25. 25roztrzaskajcie
  26. 26rzeźnika
  27. 27wrzućcie
  28. 28każdą
  29. 29patelni
  30. 30połóżcie
  31. 31zwinąć
  32. 32nam
  33. 33gdzie
  34. 34wcześniej
  35. 35będzie
  36. 36pryskanie
  37. 37tłuszczu
  38. 38dużo
  39. 39brudu
  40. 40zbierze
  41. 41wrzućcie
  42. 42gotować
  43. 43bulgotać
  44. 44miękkie
  45. 45wyciągnijcie
  46. 46ścięła
  47. 47roztrzepaną
  48. 48kubek
  49. 49zagotuje
  50. 50doprawcie
  51. 51ściągnijcie
  52. 52gotowe
  53. 53będzie
  54. 54z nimi
  55. 55tutaj: bawić, marnować czas
  56. 56makaron

Klaudiusz Kaufmann zgromadził na swoim FP grono wiernych odbiorców i jak sam przyznaje, spośród owych 55 tysięcy fanów, większość stanowią kobiety. Szczegóły możesz sprawdzić tutaj.

Zobacz także:

Autor:Teofila Siewko

Źródło: Klaudiusz Kaufmann

Źródło zdjęcia głównego: Dzień Dobry TVN

Pozostałe wiadomości