Przepisy kulinarne

Hekele, czyli śląska sałatka śledziowa - czasami w postaci pasty

Przepisy kulinarne

Autor:
Teofila
Siewko
Źródło:
Klaudiusz Kaufmann
Specjały kuchni śląskiej u chopa w kuchni

W Dzień Dobry TVN Klaudiusz Kaufmann, czyli Chop w kuchni, przedstawił śląskie przepisy na karnawał. Sprawdź, jak przygotować hekele, czyli śląską sałatkę śledziową.

Przepis napisany jest w języku śląskim. Numery przy słowach odsyłają do umieszczonego poniżej słowniczka.

Ło recept1 na hekele to sie mie sam niyftorzi2 pytali już połra3 miesiyncy tymu. Trocha czasu mi to wziyno, nim żech sie za to chyciōł. U mie w doma sie tego niy robioło, bo moja Muter niy znała tego ze swoji chałpy4– w tyj czyńści łopolskego tego niy znali. Ponojś5 hekele robiōła moja Ōłma ze Gliwic, ale jak żech zadzwoniōł do Ciotki do Niymiec, żeby mi pedziała6, jako to narychtować7, to żech sie dowiedzioł, że niy pamiynto. A jedna rzecz, co ji8 sie spōmniała, to to, że Ōłma mielōła to bez maszynka- to już bōło cojś9. Moja Muter pedziała, że łod niyj kōmratka10– pani Magda- robi hekele i jak żech sie potyn dowiedzioł, to za starego piyrwy robiōła je i łod11 ni muter i teściowoł. Tyn recept je taki gliwicko- pilchowicki, a joł tam od siebie jeszcze wciep łeżeczka mostrichu12 – je kans13 receptōw, kaj ta łon sie pokazuje i bez to chciołech sie tego smaku sprōbować. Ta wersja bydzie pokrōno14, a bez to tyż trocha bliższo swoji nazwie: hekele pochodzi łod niymieckego hacken, co znaczy siekać.

Hekele - przepis krok po kroku

Co potrza?

  • 5 kōnskōw15 matiasōw,
  • 3 uwarzōne16 na twardo jajca,
  • 2 wiynksze abo 3-4 mańsze łogōrki17 kiszone,
  • 1-2 cebule (sam18 sie musicie spytać swoji wōntroby, wiela ji dać),
  • pieprz,
  • łeżeczka mostrichu,
  • przed podaniym mogecie jeszcze dać łeżka mojōnezu.

Sposób przygotowania

Nojważniyjsze je to, żeby porzōndnie wymoczyć te śledzie (na Śląsku niyrozki sie na nie gołdo heringi abo i harynki) i połra razy zmiynić im woda. Joł żech ostatnio mioł tak trocha mani19 czasu i żech sie pomyśloł, że jak je przepōkōm20 i chwila pomocza, to im styknie. I żech sie przejechoł, bo te hekele wyszło tak słone i tak mie potyn suszōło, że żech myśloł, że ogupieja. Na moczynie słonych śledzi potrza połra godzin!

Potyn idzie już szybko. Trza drobno pokrajać cebula, łogórki, jajca i śledzie, dać łeżeczka mostrichu, trocha pieprzu i fertich. Kebyjście chcieli, to przed podaniym mogecie jeszcze dać łeżka majōnezu, ale jak go niy mołcie, to sie przeca21 nic niy stanie. Hekele robi sie wartko, a jak sie do tego weźniecie kōnsek jaki dobryj bōłki abo sznita22 chleba, to zmōcicie23 to raz, dwa. Smacznego.

Słowniczek:

  1. 1przepis
  2. 2niektórzy
  3. 3kilka
  4. 4domu
  5. 5podobno
  6. 6powiedziała
  7. 7przygotować
  8. 8jej
  9. 9coś
  10. 10koleżanka
  11. 11od
  12. 12musztardy
  13. 13dużo
  14. 14krojona, siekana
  15. 15kawałki
  16. 16ugotowane
  17. 17ogórki
  18. 18w tym przypadku
  19. 19mniej
  20. 20przepłuczę
  21. 21przecież
  22. 22kromkę
  23. 23zjedzą Państwo

Klaudiusz Kaufmann zgromadził na swoim FP grono wiernych odbiorców i jak sam przyznaje, spośród owych 55 tysięcy fanów, większość stanowią kobiety. Szczegóły możesz sprawdzić tutaj.

Zobacz także:

Autor:Teofila Siewko

Źródło: Klaudiusz Kaufmann

Źródło zdjęcia głównego: Jerzy Dudek/East News

Pozostałe wiadomości