Przepis napisany został w języku śląskim. Numery w nawiasach odsyłają do umieszczonego niżej słowniczka.
Z dziurōm[1] abo[2] bez? Idzie pedzieć[3], że to je tako filozofijoł ślōnski klōzki. Joł[4] tam wia[5] jedno: ani Ōłma[6] Albina, ani Ōłma Ana żodnych[7] dziurōw we klōzkach niy robiōły[8], niy robi ich moja Muter i niy byda robiōł[9] jo. W Polsce sie na nie gołdo[10] ślōnske, a tak po prołwdzie[11]– jak mi to ostatnio pedziała Ciotka Eldza- to łone prziszły z Niymiec.[12] Te richtig[13] ślōnske klōski to sie robi z samych kartołfli[14]: uwarzōnych[15] i surowych. Ale jak je narychtować[16], to już Wōm powia[17] w inkszym ôdcinku:)
Klōzki (Kluski śląskie) - przepis krok po kroku
Co potrza?
- kartołfle- ciynżko tak pedzieć wiela[18] tych kartołfli trza,[19] bo to przeca żołdyn[20], fto[21] robi klōski, ich niy wołży.[22] Jakby co, to wejście[23] sie ich kilo[24]. Ważne je[25] tyż to, żeby to bōły dobre kartołfle, nojlepi żōłte, bo te biołe sōm trocha bez smaku. I pamiyntejcie, że klōzek niy robi sie z modych[26] kartołfli, bo bydziecie mieli z tego yno tako ciapa.
- 1 jajco
- kartofylmyjl[27]
- 2-3 łeżki śmiynōnki[28] abo mlyka[29] abo i mlyka skōndynsowanego[30] (co tam mołcie[31])
- sōl
Sposób przygotowania klusków śląskich
Kartołfle łobiercie[32], uwarzcie i przepresujcie[33]. Potyn[34] uklepcie sie z nich w misce tako gōrka,[35] podzielcie na 4 czyńści (nojlepi zrobić sie nożym[36] taki srogi krziżyk[37]). Jedna czyńść dejcie[38] na bok i w te puste miejsce nasypcie kartofylmyjlu. Terozki cołfcie[39] to wszysko trocha na bok. Wbijcie tam jajco, wlyjcie mlyko i musicie je razym dobrze rozfyrlać.[40] Potyn musicie to wszysko wyrobić na tako gladkoł masa.[41]
Terezki umyjcie sie rance[42] i biercie[43] sie po trocha tego ciasta i kulejcie jak najfajniejsze klōzki- im mańsze tym lepi.[44]
Uwarzcie sie wody, wciepcie[45] tam soli i dołwejcie[46] klōzki- zamiyszjcie[47] sie je warzechōm, żeby sie niy prziklejōły[48] do gorka. Jak przidōm[49] na gōra, to jeszcze nich sie chwila powrōm[50] na małym ôgniu[51]. Na kōniec wyłōnczcie[52] je, przikryjcie[53] i niech sie pocinujōm.[54] I fertich:)
Take klōzki to idzie zjejś z bele czym[55], ale nojlepi ze roladōma[56] i modrōm kapustōm- recept[57] przidzie niyskorzyj.[58] Smacznego.
Słowniczek:
- 1 ō- samogłoska pomiędzy”o” i „u”
- 2 albo
- 3 można powiedzieć
- 4 ja
- 5 wiem
- 6 babcia
- 7 żadne
- 8 robiły
- 9 nie będę robił ja
- 10 mówi
- 11 naprawdę
- 12 one pochodzą z Niemiec
- 13 naprawdę
- 14 ziemniaków
- 15 ugotowanych
- 16 przygotować
- 17 innym
- 18 ile
- 19 potrzeba
- 20 przecież nikt
- 21 kto
- 22 waży
- 23 proszę wziąć
- 24 1 kg
- 25 jest
- 26 młodych
- 27 mąka ziemniaczana
- 28 śmietany
- 29 mleka
- 30 mleko skondensowane
- 31 macie
- 32 obierzcie
- 33 przeciśnijcie
- 34 później
- 35 górkę
- 36 nożem
- 37 duży krzyżyk
- 38 dajcie
- 39 odsuńcie
- 40 roztrzepać
- 41 na gładką masę
- 42 ręce
- 43 bierzcie
- 44 im mniejsze tym lepiej
- 45 wrzućcie
- 46 proszę dawać
- 47 pomieszajcie
- 48 przykleiły
- 49 wypłyną
- 50 pogotują się
- 51 ogniu
- 52 wyłączcie
- 53 przykryjcie
- 54 podochodzą
- 55 zjeść z czymkolwiek
- 56 roladami
- 57 przepis
- 58 pojawi się później
Klaudiusz Kaufmann zgromadził na swoim FP grono wiernych odbiorców i jak sam przyznaje, spośród owych 55 tysięcy fanów, większość stanowią kobiety. Szczegóły możesz sprawdzić tutaj.
Zobacz także:
- Kluski na słodko i wytrawnie. Proste przepisy zwyciężczyni "MasterChefa"
- Proste przepisy na kluski śląskie i roladę z modro kapustą
- Kluski żelazne, szare, przecieraki - trzy nazwy, jeden przepis
Autor: Diana Ryściuk
Źródło: Klaudiusz Kaufmann
Źródło zdjęcia głównego: Mateusz Grochocki/East News
